Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի և «Նորմատիվ իրավական ակտերի մասին» օրենքի 37-րդ հոդվածի պահանջներով, հիմք ընդունելով Հայաստանի Հանրապետության Սյունիքի մարզի Տեղ համայնքի ավագանու 2022թ. փետրվարի 8-ի N 7-Ն որոշումը՝ որոշում եմ.
1. Հայաստանի Հանրապետության Սյունիքի մարզի Տեղ համայնքի բնակիչներին սոցիալական աջակցություն ցուցաբերելու նպատակով ստեղծել Տեղ համայնքի սոցիալապես անապահով և կյանքի դժվարին իրավիճակում հայտնված ընտանիքներին սոցիալական աջակցություն ցուցաբերելու գործընթացն ապահովող մշտական հանձնաժողով (այսուհետ՝ Հանձնաժողով):
2. Հաստատել Հանձնաժողովի անհատական կազմը՝ համաձայն հավելվածի:
3. Ուժը կորցրած ճանաչել համայնքի ղեկավարի 2021 թվականի նոյեմբերի 2-ի «Հայաստանի Հանրապետության Սյունիքի մարզի Տեղ համայնքի սոցիալական և բնակարանային հարցերի ուսումնասիրության հանձնաժողով ստեղծելու և համայնքի ղեկավարի 2016թվականի նոյեմբերի 18-ի N 6-Ա որոշումն ուժը կորցրած ճանաչելու մասին» N 148-Ա որոշումը:
4. Համայնքապետարանի աշխատակազմի քարտուղարին՝ ապահովել սույն որոշումից բխող անհրաժեշտ գործառույթների իրականացումը: